PAULIT-ULIT akong nagtimbang ngunit hindi talaga nabawasan ang timbang ko. One hundred thirty kilos pa rin ako hanggang ngayon.
“Sira talaga ang timbangan na ‘to. Bakit hindi nababawasan ang timbang ko?” inis kong bulong.
“Ulan, anong ginagawa mo?” tanong ni Darling.
Nakaupo siya sa gilid habang umiinom ng tubig. Katatapos lang ng unang round namin sa exercise kaya nagpapahinga kami sandali.
“Darling, sira na talaga ang timbangan mo.”
“Bakit?”
“Hindi nabawasan ang timbang ko dalawang araw na akong nagtitiis sa pagkain ng itlog at gulay. Umaga’t gabi ako nag-exercise bakit walang bawas?”
“Ulan, hindi ‘yan magic na kapag nag-exercise ka papayat ka agad. Dalawang araw ka pa lang nag seryoso sa pagpapayat kaya ‘wag kang feeling na may mababawas na agad sa iyo. Sigurado siksik ang taba m
