“Manang Tinay, puwede ba akong makisuyo?” tanong ko sa kanya.
Sinadya ko talagang puntahan siya sa bahay nila para siya ang magbigay ng meryenda sa mag-asawa na bisita ni Sir Joseph.
“Ano ba ‘yon, Rain?”
“Puwede bang ikaw na lang magdala ng meryenda sa bisita ni Sir Joseph?”
“Bakit hindi ikaw ang magbigay sa kanila?”
Napakamot ako sa ulo ko. “Eh, kasi baka makilala ako ng mag-asawa na bisita ni Sir Joseph.”
“Ano ba kasi ang ginawa mong kalokohan?”
Sumimangot ako. “Grabe naman kayo sa akin parang ang sama-sama ko naman.”
Ano ba kasi ang dahilan bakit ayaw mo na ikaw ang magdala?”
“Kahapon kasi pumunta ako sa simbahan. Hindi ko naman alam na may ikakasal pala. Yung bisita ni Sir Joseph ang kinasal kaya nabentahan ko sila ng agimat.”
“Oh, anong masama doon?”
“Si Sir Joseph ang masa
