“One hundred kilos.” Paulit-ulit akong nagtimbang dahil baka namamalikmata lang ako. Isang buwan akong nag-boxing at patuloy pag-exercise at diet. Nawala na ang thirty kilos kong taba. Halos maluluwag na sa akin ang mga damit ko kaya kailangan kong bumili ng mga bagong damit.
“Ang sexy ko na.”
“Mataba ka pa rin kaya ‘wag kang feeling sexy,” wika ni Darling.
Sumimangot ako. “Kailan mo kaya ako sasabihan na sexy?”
“Kapag totoong sexy ka na.”
“Pero ang laki ng nawala sa akin.”
“Hmm.. puwede na.”
“Panty ko size XL na lang hindi na XXXL.”
Napangiwi siya. “Kadiri.”
“Bayaran mo ako dahil pumayat na ako.”
“Pag-iisipan ko.”
“Hoy, ang linaw ng pinag-usapan natin. Sinabi ko sa iyo na kapag may nabawas sa akin ay babayaran mo ako.”
“Sinabi ko ‘yon?”
Mas lalo akong nainis. “Ang dami kong
