“Mom, paano napunta kay Wesley ang kumpanya at si Asher ng hindi mo nalalaman?” Nanggigigil na tanong ni Marice sa kanyang ina na si Sandra, habang ang isa naman ay pabalik-balik na naglalakad sa harapan ng kanyang anak. Halatang tuliro ang isip nito at hindi mapakali habang patuloy na pinipisil ng kanang kamay nito ang kanyang kaliwang palad.
Makikita sa mukha ni Marice ang matinding galit dahil hindi niya matanggap na napahiya siya sa harap ng mga board member. Para kay Marice ay harap-harapang sinira ng kanyang stepsister ang kan’yang reputasyon. Pakiramdam niya ay para siyang isang basahan na nilampaso nito sa sahig. Kaya nagngingitngit ang kanyang kalooban at mula sa kanyang isipan ay paulit-ulit na niyang pinatay si Wesley.
“Could you please, shut up! Hindi makakatulong ang pasiga
