Tagaktak na ang pawis ko habang nakaupo sa isang bench na nasa ilalim ng malaking puno. Katatapos lang kasi ng physical activity namin sa isang subject at dahil nasa ilalim kami ng tirǐk na araw ay halos maligo na kami sa pawis. Nang medyo naging normal na ang aking paghinga ay sinipat ko orasang pambisǐg sa kaliwang braso ko. It’s eleven thirty late in the morning kaya tumayo na ako at kaagad na tumungo sa aking locker upang magbihis.
Pagbukas ko ng locker ay kaagad kong napansin ang cellphone ko na walang humpay sa pagtunog. Mabilis ko itong sinagot ng hindi tinitingnan kung sino ang caller.
“Yes?” Ani ko sa malumanay na tinig sabay kuha ng uniporme ko mula sa loob ng locker.
“Bakit hindi mo sinasagot ang tawag ko?” Frustrated na bungad agad sa akin ni Mr. Asher, nagusot ang mukha
