Pagkatapos kong suklayin ang mahaba kong buhok ay dinampot ko na ang aking bag saka tahimik na lumabas ng silid. Ngayong araw ang final exam namin at matatapos na ang taunang klase. Sa susunod na pasukan ay isa na akong fourth year college. Isang taon na lang ang bubunuin ko at magtatapos na ako. Magiging isang ganap na architecture na ako. Halos late na akong natulog kagabi dahil sa paghahanda ko para sa aming exam.
Pagdating sa dining room ay naabutan ko si Asher na humihigop ng mainit na kape. Mula sa gilid ng aking mga mata ay napansin ko na nakatingin siya sa akin habang ibinababâ sa lamesa ang hawak nitong tasa. Tahimik na umupo ako at sinimulang kainin ang aking almusal na parang akala moy ako lang tao sa paligid.
Pagkatapos ng pananakit niya sa akin ay hindi ko na siya kinikibo,
