الجزء الثانى

1103 Words

مراد.ايه الصدفه اللي تقفل اليوم ع الصبح دي اسيل.تعرف انت اسلم حل يناسب الرد عليك هو اني اسيبك وامشي وفعلا سابته ومشيت دخلت ركبت الباص بتاعها ف الكرسى اللي رقمه معاها على تذكرتها بس للأسف رقم الكرسي بتاع روني كان وراها مش جنبها وبما ان روني نفسها تحب وتتحب فرفضت ان اسيل تستأذن من الشاب الجميل اللي تذكرته رقمها هو الكرسي اللي جنب روني علشان كده اسيل قعدت في الكرسي بتاعها وهي مضايقه انها طول الطريق هتفضل ساكته علشان صاحبتها مش هتبقى جنبها يقعدوا يتكلموا سوا ويقصروا الطريق على بعض وجه اللي هيقعد في الكرسي اللي جنب اسيل علشان تبص جنبها تتفاجئ انه مراد هو صاحب حجز المكان اللى جنبها واول ماشافها كان بيتمنى يلاقي كرسي تاني فاضي بس للأسف كل واحد ملتزم بمكانه كان اسيل ومراد مش طايقين نفسهم ولا طايقين بعض اول ماشافها قال.مريضة بصيت عليه من فوق لتحت وهي بتقول.متكبر مراد انتي ماشيه ورايا ولا ايه لا اكيد انا مش هقعد جنبك اسيل.يعني انا اللي عايزة اقعد جنبك ده ايه الحظ الزفت ده حاجه تقرف مشرف الباص بصوت عالي يلا ياجماعه كله يقعد مكانه علشان هنتحرك وكان مفيش قدامهم غير انهم يقعدوا ويستحملوا بعض بقى لكن اسيل كانت بتخاف من الطرق البعيده وكانت متوترة جدا ولما طلبت من مراد تبدل معاه مكانها لكن هو رفض في البداية لكن لما فضلت تزن انها عايزة تبدل مكانها علشان بتخاف من مظر الطريق والباص ماشي بسرعه وافق على شرط انه ميسمعش صوتها لحد ما يوصلوا اخر الرحلة وفعلا ده اللي حصل علشان اول ماوصلوا مراد.اتمنى انك تحاولى متخلنيش اشوفك مرة تانيه اسيل.وياريت انت كمان تحاول نفس المحاولة يامتكبر مراد.مريضة نزلوا من الباص كان مروان مستني مراد بعربيته مروان.ياحمدالله على السلامة يارب تكون الرحلة عجبتك ههه مراد.الله يسلمك ياصاحبي يلا بينا بقى عايز انام ونزلت اسيل وروني ووقفوا تا**ي وطلبوا منه يوصلهم للفندق اللي هيشتغلوا فيه كان الطريق ممتع بالنسبة لرونى وكمان منظر البحر اللي على الطريق كان عاجب اسيل ومبسوطة اوى انها وافقت تيجي مع روني اما مراد ومروان دخلوا الفندق تحت نظرات البنات من شدة وسامتهم وجمالهم وشياكتهم ومع اسيل ورونى اللي راكبين تا**ي مع سواق بيحاول يلف بيهم البلد كلها وكأنه عايز يزود الاجرة قلقوا منه وابتدوا يسألوه لكن روني متعاملتش بشياكة روني.هو انا شايفه حضرتك فاكرنا اجانب باين وعمال تلف بينا كتير على اساس هندفعلك اكتر .احنا ليه لحد دلوقتى موصلناش السواق.هي دي سواقتي وده الطريق لو مش عاجبك تقدري تنزلي مفيش مشكلة روني.اه انزل منزلش ليه يعنى هو خلاص مفيش سواقين غيرك في البلد اسيل.روني خلاص بقى.معلش لو سمحت احنا اسفين احنا بس جايين من سفر ومرهقين ومحتاجين نوصل بسرعه نرتاح شوية معلش ماتضايقش منها هي مش قصدها السواق.علشان خاطرك بس هكمل التوصيلة دي روني.يعني ايه علشان خاطرها بس ليه هو انت هتوصلنا بالحب يعني مش هتاخد فلوس ولا ايه لاء انت توصلنا غصب عنك ورجليك فوق رقبتك كمان مدام هتاخد فلوسك السواق.رجلي فوق رقبتى وغصب عني طيب تمام يلا بقى انزلى من التا**ي بدل م انزلك غصب عنك يلا حالا اخلصوا وفعلا نزلوا اسيل وروني اللي كانت عماله تشتم في السواق اللى نزلهم في طريق مفيش فيه اي حاجه غير جبال وبحر اسيل.عاجبك كده هنوصل ازاى دلوقتى واحنا فى المكان المقطوع ده يعنى عاجبك كده مش كنتي سكتي يارونى كان وصلنا وخلصنا روني.لاء طبعا ايه اسكت دي انتى عايزاه يستغلنا ويتعوج علينا واسكت اسيل.طيب ياستى مش اتكلمتى وارتحتى هنعمل ايه بقى دلوقتى روني.نمشي شوية واكيد هنلاقى تا**ي تانى وبعدين اكيد يعنى الاوتيل قريب هو قال قربنا نوصل اسيل.يعنى ينفع نمشى كده واحنا مش عارفين حاجة بالشنط التقيله فى الحر ده روني.خلاص بقى يااسيل مش هتكون مسافة كبيرة وفعلا مشيت اسيل وروني اللى وصلوا الاوتيل بعد ماطلع عنيهم فى المشى بس كان الاوتيل هادى جدا واستغربوا اسيل وروني اسيل.هما قافلين ولا ايه؟ روني.اكيد لاء يعنى يااسيل هو مش محل بقاله ده اوتيل يعني مبيقفلش اسيل.بس مفيش اي حد ياروني غيرنا وفجأة جه صوت من وراهم الشخص.مساء الخير بتدوروا على حاجة روني.بعد اذنك احنا جايين هنا بناء على طلب التوظيف اللى اعلنتو عنه الشخص.اه فعلا الادراة اتغيرت وكانوا طالبين موظفين جدا بس للأسف صاحب الاوتيل الجديد اتوفى اسيل.الله يرحمه.بس اكيد يعنى مش هيقفلوا الاوتيل الشخص.لاء طبعا الاوتيل هيشتغل تاني روني.الحمد لله امتى بقى علشان احنا منعرفش هنا اي حاجة وجايين على اساس الشغل الشخص.السنة الجاية بعد فترة الحداد على صاحب الاوتيل اتصدمت اسيل ورونى بس مكانش فيه قدامهم اي حاجة غير انهم يمشوا واسيل عماله تلعت الحظ اللى خلاها تيجي المشوار ده بعد ماكانت متحمسه حسيت بالاحباط والفشل اسيل.روني وشى وحش عليكي روني.لاء وشك وحش ايه ده انا اللى م**وفة منك انى جيبتك كل المشوار ده على الفاضي بس ليه على الفاضى يعنى احنا ندور واكيد هنلاقى هنا الاوتيلات كتير جدا ودايما فى الصيف بيكونوا طالبين عمالة بسبب ضغط الشغل اسيل.هو احنا هندور على شغل واحنا ماشيين بالشنط بتاعتنا دى ولا هنضيع الفلوس اللى ممكن ترجعنا تانى مكان ماجينا فى التا**يات روني.اسيل بطلى بقى فقر ان شاءالله مش هنحتاج نرجع قبل الصيف مايخلص وان شاء الله هنلاقى شغل بسرعه كمان يلا بينا بقى ندور على تا**ى يودينا الممشى السياحى هناك فيه فنادق كتير جدا اكيد هيكون فيه مكان فى واحد منهم لأتنين بائسات زينا كده خرجوا من الاوتيل وهما مرهقين وحرانين وجعانين لكن مفيش حل قدامهم غير اللى روني قالته فعلا وقفوا كتير لحد ماوصل تا**ى للمكان اللى هما فيه ركبوا وهما ساكتين منطقوش بحرف لحد ما وصلوا عند الممشى السياحى دخلوا اكتر من اوتيل لكن مكانش فيه مكان طلب موظفين لحد مادخلوا اوتيل كبير 7 نجوم حاجة كده وهمية وصلوا عند الريسيبشن وكان فيه موظف فى استقبالهم اسيل.مساء الخير من فضلك احنا كنا جايين نشتغل هنا فى اوتيل بس لقيناه قفل هنا مش مطلوب موظفين الموظف.الحقيقة الادارة طالبة ناس للتعيين فعلا بس دلوقتى هما فى اجتماع مش هعرف اخليكم تقابلوا حد منهم لكن بكرة فيه مواعيد للمقابلات روني.طيب احنا ممكن نلاقى عندكم اوضة فاضيه الموظف.اه فيه بس اعتقد ان مبلغها هيكون عالى جدا عليكم اسيل.بص احنا الحقيقة كنا عاملين حسابنا على اننا هنسكن تبع الشغل بتاعنا ومش عاملين حسابنا على فلوس زيادة عن المصروف الشخصى ف لو ممكن بعد اذنك تقولنا لو فى مكان تانى الاسعار فيه اقل من كده الموظف.للأسف صعب انتي هنا فى الممشى كل الفنادق هتلاقى اسعارها عالية روني.طيب ممكن نسيب الشنط بتاعتنا عندك نروح بس اى مطعم نتغدا ونشوف احنا هنعمل ايه الموظف ب اعجاب .اه طبعا تحت امرك رونى.اسم حضرتك ايه الموظف.اسمى ادم يافندم رونى بنفس نظرة الاعجاب.ميرسى ياادم لذوقك وشكرا لتعبك معانا خرجت اسيل ورونى يدوروا على مطعم ياكلوا فيه وهما حاسين ان فيه امل يشتغلوا فى الاوتيل ده وبالنسبالهم دى كانت حاجة كويسة جدا الاوتيل كبير وشكله مستواه عالى جدا دخلوا مطعم بعيد شوية عن الاوتيل ونوعا ما اسعاره كانت مناسبة ليهم اكلوا وشبعوا وحسوا ان طاقتهم رجعتلهم تانى وقرروا يخرجوا شوية يتمشوا فى البلد ويتف*جوا عليها فعلا قعدوا ساعتين بيمشوا فى كل مكان فيها لحد خلاص ماحسوا انهم فعلا مش قادرين يقاوموا الارهاق بتاع السفر واللف بتاع اليوم وقرروا يرجعوا الاوتيل

Free reading for new users

Scan code to download app

App Store Google Play

Facebookexpand_more