متعه الصدفة

تبداء احداث قصتنا برنة منبه بنوتة رقيقة نايمة فى اوضة كل حاجة فيها لونها بينك وبرغم ان الواضح انها اوضة متواضعه وبسيطة لكن كانت مرتبة بشكل انيق وراقى وكان نفس المنبه بيرن في نفس الميعاد لكن في مكان تاني عند بطل قصتنا اللي كانت اوضته تقريبا مساحتها ضعفين اوضة البنوتة الجميله وكان كل شبر فيها بيدل على ان صاحب الاوضة دى مقتدر ماديا وثري بسبب اناقة منقولات الاوضة وشياكتها ورقيها ف نفس الوقت يصحوا الاتنين من نومهم وكل شخص فيهم له طقوس معينه بيعملها اول ما بيصحى من النوم البنوتة.قامت جهزت هدومها زي كل يوم بس النهاردة مكانتش بتحضرها علشان رايحة الكلية او رايحة تتفسح لاء النهاردة بتجهز لانها مسافرة ومع الاحداث هنعرف هي مسافره فين الشاب الوسيم.صحى من النوم دخل اخد شاور وخرج لافف البشكير على وسطه ووقف قدام الاوضه الخاصه بالملابس بتاعته وكل متعلقاته الشخصيه جهز تيشيرت ازرق على بنطلون بيج واختار الساعه والحزام والشوز اللي يناسبوا الطقم واخد شنطة سفره وخرج من البيت وهنعرف دلوقتى هو رايح فين وقدام باب المطار وقف اتوبيس النقل علشان تنزل منه بنوته جميلة بفستان مليان ورود قصير وهي ماسكة شنطة سفر تقيله بتتحرك بيها بالعافيه وفى نفس اللحظة تقف عربية سوده مرسيدس ينزل منها سواق يفتح الباب لشاب وسيم ينزل منها بثقة ويطلع السواق شنطة سفر من العربية ويوصل بيها الشاب لحد باب المطار ف الوقت اللي عجلة الشنطة بتاعت البنوته اتخلعت فيه كان الشاب الوسيم قرب منها فى طريقه لقاعة المطار علشان وهي بتقوم تقف من على الارض بعد ما فشلت في تصليح العجلة تخبط فى الوسيم علشان اول ماعنيهم تيجي ف عين بعض الاتنين ف نفس الوقت يقولوا نفس الكلمة انت انتي فلاش باك الام.اسيل فينك اتاخرتي يلا انا جاهزة اسيل.ماما انا جايالك اهو خلصت نزلت اسيل من اوضتها الجميله علشان تلاقي مامتها واقفه مستنياها اسيل.ياسيدي ايه الشياكه د كلها ياست الكل الام.بجد يااسيل الطقم لايق عليا يعني شكله كويس مقبول يعني؟ اسيل.قمر ياست الكل في كل حالاتك الام.قلقانه بقالي كتير مشتغلتش ونسيت المفروض اعمل ايه اسيل.متقلقيش ياماما انتى في الاساس مين يدوق الطبخ بتاعك ومياكلش صوابعه وراه اكيد اكيد هيعجبهم وماهيصدقوا انهم يلاقوا طباخه شاطرة زيك الام.على اد ما انا متأكده وواثقه في نفسي بس قلقانه وبالذات علشان اول مرة اشتغل عن طريق حد متوسطلي مش عايزة اخذل خالتك وبعدين دول ناس اغنيا اوي اوي خايفه يستقلوا بيا اسيل.توكلي على الله كل حاجة هتكون زى ما انتى عايزة واحسن خرجت اسيل ومامتها وسلموا على بعض وكل حد منهم راح لمكان وصلت اسيل مكان شغلها اللي هو عباره عن محل حلويات دخلت تجري تغير هدومها وتلبس هدوم الشغل وكانت صاحبتها الوحيدة وصلت الشغل قبلها وقفت اسيل في المطبخ تجهز الشغل المطلوب منها وعملت احلى كيك فراولة زميلتها.اسيل شايفاكي اتعلمتي بسرعه وكمان بقيتي اشطر مني اسيل.لاء طبعا ياشيف انتي الخير والبركه هو انا من غير تعليمك ليا كنت هعرف اعمل حاجة بصراحه انا مش عارفه اشكرك ازاي زميلتها.انتي ذكية وبتتعلمي بسرعه برافو عليكي اسيل.طيب ممكن اوريلك حاجة انا عملتها ب ايدي وقوليلي لو ينفع نعملها هنا ولا لاء زميلتها.وريني عملتي ايه اسيل وهي بتجيب ورقه مرسوم عليها قالب كيك.صممت التورته دي ياشيف وكان نفسي نجرب نعملها هنا في المحل تفتكري ينفع زميلتها الشيف.اه طبعا ينفع يلا بينا نبداء دخلت عليهم صاحبتها الوحيدة روني روني.ياااااه اليوم النهاردة صعب جدا زحمة وشغل كتير وانا واقفه برة لواحدي اد ايه تعبت بجد واحنا لسه ف بدايه اليوم اسيل.طيب تحبي تدخلي مكاني انتي في المطبخ واطلع انا برة مكانك شوية روني.والله ياريت اصلا المستر برة مش مبطل طلبات زيه زيه الزباين بالظبط انا بجد مش مصدقة بقى امتى اليوم اللي هسافر واستلم الشغل الجديد اسيل بزعل.ايه ده يعني خلاص قررتي بجد روني.اه طبعا قررت انا ماصدقت اصلا انتي مش متخيله المكان عامل ازاي بصي الصور بتاعته وبعدين مش يمكن الاقي هناك حد يحبني واحبه اسيل.اااه حلو اوي المكان لما هو في الصور وحلو كده اومال على الطبيعه عامل ازاي.بس ايه تحبي دي؟ هو انتي رايحه تشتغلي ولا تحبي روني.وفيها ايه يعني لما اشتغل واحب حاجه تفتح نفسك على الشغل دخل عليهم رئيسهم في الشغل والله عال انتم سايبين شغلكم وواقفين هنا ترغوا وتهزروا جريت روني من قدامه المستر.ها ياشيف انتي لسه لحد دلوقتي مخلصتيش الكيك يلا بسرعه خلصيها دي رايحه لناس مهمين جدا بالنسبة لصاحب المكان انا حذرتك اهو علشان تعمليها زي الكتاب ما بيقول وانتي يااسيل اول ماتخلص الشيف تروحي توصلي الاوردر بنفسك وتخلي بالك لازم توصل سليمة وزي ماهي بحذرك اسيل.حاضر يامستر الشيف.خلاص يااسيل اخرجي انتي ساعدي روني بره لحد م اخلص انا الكيك مش باقي عليها كتير وتكون جاهزة خرجت اسيل للصاله وابتديت تساعد روني في الشغل ... في مكان تاني وعلى مدخل فيلا كبيرة وف منتهى الشياكه واقفة ام اسيل مستنية جارتها وصاحبتها واللي بتعتبرها اختها شكرية اللي رشحتها للشغل ده شكريه.امل يااهلا وسهلا كويس انك متأخرتيش اهم حاجه المواعيد يلا اتفضلي انا كلمت سيلا هانم عنك وعرفتها اد ايه انتي شاطره وطبخك ممتاز وهي مستنياكي وعارفه انك مش هتخذليني امل.ياشكريه ربنا يخليكي ليا بس انتي عارفه من فعد عمليه ضهري قعدت سنه من غير شغل وده اللي موترني كأني اول مرة هشتغل شكرية.متقلقيش سيلا هانم ست محترمة جدا اعتبري نفسك اشتغلتي خلاص امل.اسيل السنه دي هي اللي كانت بتصرف على البيت ماصدقت احس اني اتحسنت قولت فرصه انزل اشتغل من تاني الحمل تقيل عليها دى حتى سابت دراستها مع انك عارفه تقديرها كان كويس جدا بس للأسف بقى الظروف حظها قليل اسيل اوي ياشكريه بس انا لو اتقبلت في الشغل ده لازم اخليها ترجع دراستها تاني واقدملها في الكلية شكريه.هتتقبلي ان شاء الله وسيلا هانم اهم حاجه عندها تشوفي شغلك كويس غير كده مش هتضايقك في اي حاجه يلا بقى اخليكي تقابليها دخلت شكرية ومعاها امل للمكان اللي قاعده فيه سيلا هانم بتتف*ج علي حاجات على التاب بتاعها وصادفت في صوره عصبتها جدا للاسف شكرية.سيلا هانم امل اللي كنت كلمت حضرتك عنها علشان وظيفه الطباخه سيلا.اه اهلا ياست امل شكرية معاكي هتعرفك شروط الشغل عندنا ولو ناسبتك تقدري من بكرة تستلمي الشغل وطبعا اول فترة دي بنجرب فيها بعض وان شاء الله يعجبنا طبخك عن اذنكم سابتهم سيلا ومشيت وفرحت شكرية وامل جدا بالكلام اخيرا امل هتشتغل مع صاحبة عمرها وفي بيت ناس اغنيا كمان وهتقدر ترجع بنتها الكليه ... سيلا ف اوضة الشاب الوسيم بطل قصتنا بعصبية ااااايه القرف ده الاوضة ريحته وحشة جدا وبقينا الضهر وسيادتك لسة نايم اصحالي يامراد بيه اصحالي مراد.يامراد اصحى شوف المصايب والفضايح اللي انت عاملهالنا مراد.امي انا نايم الصبح سيبيني اكمل نومي سيلا.اصحى يااستاذ صورك مالية صفحات الاخبار بفضايحك وسهراتك القذرة دي هو انا بقى مشاكلي مع ابوك اللي بسببك دي مش مكتوبلها تخلص اصبر بقى لما يشوفها هو كمان هيعملنا مصيبه في البيت مراد قام ب**ل.وهو بيفتكر سهرته ف الليله اللي فاتت مع واحدة جديدة من صحباته وكانوا موجودين في ديسكو موجود في اوتيل كبير وعلشان خاطر حظه السئ يصادف خروجه سكران مع صاحبته وجود صحفيين ومصورين جايين يصوروا وصول وافد اجنبي مشهور للاوتيل علشان اول مايشوفوا مراد خارج مع صاحبته سكران وهو معروف اسمه واسم عيلته في المجتمع لأنهم رجال اعمال وعندهم شركات فقرروا انهم يستغلوا الفرصه وي**بوا خبر جديد يتنشر ف صحيفه فضايحه الكتيره مع البنات- مراد.في ايه ياامي كنت سهران مع اصحابي في عيد ميلاد وقبل مااخرج علشان اروح واحدة من اصحابنا قالتلي اوصلها في طريقي وانتي عارفه بقي الصحفيين وشغلهم مابيصدقوا يخترعوا قصه علشان يلموا مشاهدات وقراء سيلا.يعني انت متخانقتش مع شادية ولا سيبتوا بعض مراد.لاء ياامي ولا سيبت شادية ولا اتخانقنا مع بعض سيات.ربنا يستر بقى من رد فعل ابوك.ومن رد فعل شاديه وامها لما يقروا ولا يشوفوا صورك مع الهانم الجديدة دي مراد.ياامي بقولك صاحبتنا عادي واصلا هي مرتبطة بمروان يعني مفيش احتمال لوجود اي علاقة بيني وبينها سيلا.مروان.بجد؟ طيب ماتقول من الاول انها تخص مروان.الحمد لله ياربي المره دي خلصنا من مشكلة ابوك اكيد كان هيعملها ده انا كنت مرعوبة عموما حقك عليا مكنتش اعرف وانا قلقت من رد فعل ابوك يلا اسيبك بقى تفوق براحتك معلش ياحبيبى اني صحيتك ... في فيلا تانيه مش اقل في الرقي والذوق والشياكه عن فيلا مردا قاعد شاب وسيم بيشرب فنان قهوة وجنبه راجل خمسيني يتمتع بوسامة ورقي وبيشرب قهوته علشان تدخل عليهم بنت جميله شقرا بشعر اصفر لابسه بادي ابيض على جيبة قصيرة خضرة البنت.صباح الخير عليكم يلا انا جاهزة الشاب.صباح الخير ندى. الاب.صباح الخير حبيبتى.يلا تعالى نفطر سوا الاول بسرعه بدل ما نتأخر ندى.لاء النهارده متفقه مع صحباتي نفطر مع بعض في النادي الاب.كده طيب يلا بينا نخرج.بس خلي بالك من نفسك ندى.حاضر يابابا متقلقش .يلا بينا خرجوا من باب الفيلا وكل واحد فيهم ركب عربيته واتحرك للمكان اللي مطلوب منه انه يكون موجود فيه وعند مراد قام من سريره اخد الشاور بتاعه وغير هدومه ونزل ركب عربيته ومسك تليفونه وجاب رقم مروان واتصل بيه وهو بيتحرك بالعربية مروان اخو ندى وابن عم مراد شاب جميل ووسيم لكن اعقل بكتير من مراد ودايما بيخرج مراد من المشاكل اللي بيحط نفسه فيها مروان.اهلا اهلا ب ابن العم .صاحي بدرى النهاردة ياترى خير مراد.صاحى بدري واضح كده انك مخدتش بالك من الاخبار النهارده ولا فتحت الانترنت مروان.لا صراحة مقريتش حاجة ولا شوفت حاجة ليه في ايه؟ مراد.ولا حاجة ياسيدي كنت سهران في الديسكو امبارح وهناك قابلت بنت حلوة وعجبتني مقدرتش اقاوم طبيعتي واتعرفت عليها مروان.اه طبعا قلبك كبير مراد.واحنا خارجين شافونا الصحفيين وماصدقوا بقى يصوروا خبر جديد ف اتخانقت معاهم مروان.رجعنا تاني للمشاكل مراد.عايزهم يعني يضايقوني واسيب حقي مروان.طيب وشادية حبيبتك اللى لسه مكملتش اسبوع مسافرة اومال لو مش بتقول بتحبها كنت هتعمل ايه ده انت يادوب لسه مصالحها قبل ماتسافر مراد.وهو يعنى علشان بحبها يبقى مطلوب مني الزق فيها مش عايزني اعيش حياتي مروان.تصدق انت تستاهل اللي هيحصلك المرة دي لو جدع تعرف تصالحها مراد.لاء متقلقش هتصالحني لاني ببساطه هقول ان البنت دي صاحبتك انت وانا كنت بوصلها علشان خاطرك هههه مروان.بقولك ايه يامراد انا مبحبش التصديرات دي اوعى تورطني فى الموضوع ده انا ماليش دعوة بلعب العيال بتاعك ماشي مراد.خلاص بقي ياابن عمي انت اتورطت واللي كان كان ملقيتش حاجه اقولها ل سيلا هانم غير كده علشان اخلص من الصداع بتاع الصبح.يلا انا جاي على الشركة اشوفك هناك قفل الخط مراد قبل حتى مروان مايرد. مروان واقف قدام محل حلويات ولسه ماسك التليفون في ايده بيبص عليه وهو بيقول.منك لله يامراد مفيش مرة تعمل مشكلة وقصه غير لما تورطني معاك فيها نزل من عربيته مروان ودخل للمحل اللي بتشتغل فيه روني واسيل بهدوء وشياكة كعادته اسيل اول مابتشوف مروان عنيها بتطلع قلوب من اعجابها بيه مروان.صباح الخير. اسيل وروني.صباح النور اتحرك مروان لتلاجه الحلويات يختار منها روني.يااهلا اهو جالك حبيب القلب ياست اسيل اسيل.ياستي بلاش تريقه خلاص عملتيه حبيب قلب بسرعة هو في الاساس شايفني يعني مش واخده بالك من الفرق روني.بقولك ايه مش وقت كتر كلام يلا روحي شوفي هيطلب ايه اسيل.لا روحي انتي شوفيه عايز ايه روني.انتى لو فضلتي بحالتك دي ولا عمرك هتتجوزي اسيل.ومين قالك اصلا اني عايزة اتجوز انا كده كويسه وبعدين يعني هيحصل ايه لو روحتله انا روني.مش يمكن يكون مستني انك تروحيله سرحت اسيل ف ملامحه وقررت تروح تشوف طلبه ايه بس هي وقفت قدامه وسرحت بخيالها وهى ماسكة في ايد مروان والحب بيجمع بينهم وسط جو خيالى مذهل مليان ورود وفراشات وهما في حضن بعض ويخلص حلم اليقظة بتاعها علشان تلاقى نفسها لسه واقفه جنب روني اسيل بخضة.لاء لاء مش ممكن ده يحصل احلامي دي مستحيل تتحقق غير في الروايات والاحلام وبس وبعدين ايه اللي يخليه يحب بنت فقيرة زيي روني.ياستى الحب مالهوش دعوة بغني او فقير ده احساس مبيعرفش يفرق بين الناس مروان قرب منهم وطلب كيك معين وقال.بصراحة انتم من افضل الاماكن اللى باكل فيها كيك روني.شكرا لذوقك احنا الكيك اللي عندنا في المحل اسيل هي اللى بتعملها مروان.بجد.تسلم ايد*كى اسيل بخجل وتوتر.الله يسلمك.صحة وهنا جابت روني الكيك وحطيته اسيل في العلبه وعطيتهاله وهى بترتعش وهو اخدها من ايديها وشكرها ومشي وعنيها لسه متعلقة عليه اسيل.روني مكانش في داعي للكلام اللي انتي قولتيه روني.كان لازم اقوله كده علشان الفت انتباهه ليكي وفجأة جه مدير الشيفت وهو بيكلم عميل بيعتذرله عن تأخير اوردر التورتة بتاعته وهو بيقوله.حالا مسافة الطريق الاوردر هيكون عند حضرتك اسفين جدا على التأخير بس كان عندنا عطل بسيط موقف الماكينات قفل الخط مع العميل ووجه كلامه ل اسيل.ايه يا اسيل لحد دلوقتي مجهزتيش الطلب يلا خفي ايديك اسيل.حاضر انا بس بحطه ف العلبه بتاعته المدير.طيب يلا بسرعه وخلى بالك عليه خرجت اسيل مستعجلة جدا وهي بتجري ف الشارع ف نفس الوقت اللي مراد سايق عربيته بسرعه وف الوقت اللي الاشاره قفلت وابتديت اسيل تعدي الطريق كان مراد مش واخد باله بسبب تليفونه علشان يخبط اسيل بعربيته وتطير من ايديها علبة التورتة وتنزل علي الارض متنفعش نهائيا مراد نزل يبص على عربيته وهو بيقول الحمد لله العربية سليمة اسيل.هو انت مش واخد بالك انك خبطتني بعربيتك خايف عليها هي واولع انا طظ فيا مراد.انتي عارفه عربيتي دي بكام ولو حصل فيها حاجه هتحتاج كام علشان تتصلح اسيل.مش فاهمة مراد.القصد انك مش هتقدر تصلحيها لو كان حصل فيها حاجة وانا كان مستحيل اسكت على حاجة زى دى اسيل.وانا مالى اصلحها ليه انت اللي خبطني علي فكره كنت هتموتني يبقي ليه انا اصلحهالك مراد.انتي اللي ماشيه في نص الشارع وفيه رصيف لازم تمشي عليه يلا اتفضلي بقى اعتذري اسيل.اعتذر اعتذر عن ايه ومين هيعوضلي اصلا الخساره بتاعت التورته غير الل هيعمله فيه المدير رن تليفون اسيل وكان مديرها بيتصل اسيل.ياخبر ابيض اتصرف ازاى دلوقتي مراد.في ايه يعني مش فاهمك على ايه كل اللي انتي عاملاه ده دي كلها تورتايه يعني اسيل.انت مستفز اوي.التورتاية دي معموله مخصوص لعميل عيد ميلاده النهارده انت فاهم ولا مش عارف ده معناه ايه وبعدين ده تبع صاحب الشغل بتاعي مراد.انا مالي هتحكيلي قصه حياتك يلا انا لازم امشى هعتبرك اعتذرتي ركب مراد عربيته اسيل.ايه ده انت هتسيبنى وتمشى كده لاء لازم تشوفلي حل انا في ورطه ولازم تحلها زي ما عملتها مراد بعجرفة بيمد ايده ف جيبه.انتي هتصدعينى على كام جنيه خدي ياستي اهو ثمن خمس تورتات مش تورتة واحده يلا بقى حلي عن دماغي اسيل بصدمة ابتديت بعصبيه تخلع مساحات عربية مراد اللى نزل متعصب لما شافها خلتها من مكانها مراد.انتي اكيد مجنونة اسيل.كده احنا خالصين وسابته ومشيت وهي بتعيط وعارفه ان يومها مش هيعدي بسبب مديرها طلع مراد على شركته وطلعت اسيل على محل شغلها عند الشركة مراد ومروان اتقابلوا وف محل الحلويات دخلت اسيل وقابلت روني مروان.ايه ده يامراد ايه اللى **ر المساحات كده مراد.بنت مجنونة قابلتها ف الطريق وانا جاي رميت نفسها قدام العربيه وتقريبا كده قصداها شافت عربيه غاليه وشاب وسيم قالت حلو اطلع منه بشوية فلوس وعلي كده لما طلعتلها مبلغ رفضت تاخده و**رتلى مساحات العربية زى ماانت شايف ومشيت مروان.طيب كويس انها خلصت على كده مدام بتقول مجنونة يبقى كويس اوى انها معملتلكش فضايح انت مش ناقص مراد.هو بابا وصل مروان.اه وزمانه بيتف*ج على صور سيادتك والعناوين المبهرة مراد.طيب يلا بقى نطلع لعمي محدش هيخرجني من الورطة دي غيره مروان.اتفضل يامورطنا عند اسيل وروني اسيل.روووني الحقيني انا حصل معايه مصيبة روني.خير في ايه اسيل.وانا رايحه اوصل الاوردر قابلني شاب راكب عربية وسايق بسرعه وخبطني وقع من ايدي التورتة وال ايه مصمم انى انا اللى غلطانه وان عربيته اهم بكتير من المشكلة اللى ورطني فيها واتعامل معايا ب قلة ذوق وطلعلي شوية فلوس ولا كأني شحاته وكل مشكلتي الفلوس فاكر نفسه هيشترينى ده مجنون وبسببه ممكن المدير يطردني انا حاسة بكده روني.ياستى الحمد لله انها جت على كده وبعدين بلاش تشاؤم المدير خارج من مكتبه وبيتكلم ف التليفون.لاء يافندم الاوردر زمانه واصل لحضرتك هو خرج من المحل متقلقش اقل من عشر دقايق يكون قدام حضرتك روني.اسيل شكلك فعلا هتطردي النهاردة الحقي نفسك واهربي فعلا اسيل كانت هتتحرك قبل المدير ما يكلمها لكن شافها للأسف اضطرت تحكيله اللى حصل لكن هو ملتمسش لها اي عذر وقرر انه يطردها فعلا من الشغل ومشيت اسيل وهى م**ورة الخاطر بسبب واحد طايش مفيش حاجة بتهمه. ... وعند مراد فى مكتب ابوه واقف مروان ومراد ابو مراد.مراد عقاب ليك انت مفيش عربيه تانى لحد ماتلم نفسك ومش بس كده انت هتروح شرم الشيخ تمسك الفندق مع مروان والكلام ده مفيش فيه تغيير مراد.بابا لاء شرم الشيخ ايه انا كنت طالع اجازة مع شادية مش هينفع اسافر دلوقتى شرم الشيخ الاب.الكلام انتهى يامراد وده اخر تحذير ليك انت فاهم. خرج ابو مراد متعصب وكان مفيش قدام مراد غير انه هيقبل كلام ابوه وعند اسيل رونى اقنعتها انها تسافر معاها شرم الشيخ وتنزل معاها الشغل اللي هي مسافرة علشانه اهي تجمع شوية فلوس كويسه يمكن بيهم تقدر ترجع دراستها تاني وكمان يبقوا مع بعض في نفس الشغل وفعلا اسيل اقتنعت امل الام.اسيل مالك شكلك مضايقه ولا تعبانه وبعدين راجعة بدرى حصل معاكي حاجه فى الشغل ولا ايه اسيل.لا يا امي مش تعبانة متقلقيش طمنيني الاول انتي عملتي ايه في الشغل بس امل,الحمد لله ياحبيبتي الهانم طلعت ذوق جدا ووافقت انى اشتغل من بكرة بس طبعا الفترة الاولى دى هتجربني فى الطبخ الاول اسيل.انا متأكده انه هيعجبهم وجدا.بس متكلمتش معاكي فى المرتب هيكون كام الام.لاء لسه بقى هتحدده حسب الخبرة معلش يااسيل انا تقلت عليكي الفتره اللي فاتت دي كلها في المصاريف ان شاء الله ربنا يقدرني واعوضك عن السنه اللي فاتت دي وتعبك فيها اسيل.ياماما هو احنا لينا غير بعض وبعدين انتي عمرك كله بتتعبي علشاني ربنا ميحرمنيش منك الام.بس مالك بجد مش عجباني عنيكي باين عليها الزعل اسيل.مش عايزة اضايقك ياماما الام.في ايه احكيلي انا قلقت من كلامك اسيل.طردوني من الشغل بسبب مشكله ماليش ذنب فيها والله واحد مجنون ومتعجرف بوظلى اوردر عميل مهم وبسببه قرروا يمشوني من الشغل الام.حبيبتى ربنا يعوضك بكرة تلاقي شغل احسن منه 100 مرة ماتزعليش نفسك اسيل.بصراحة يا ماما انا فعلا لقيت شغل احسن منه فندق كبير اوى طالب موظفين جداد وكانت روني بتروح تشتغل فيه كل صيف وقالتلى اروح معاها اهو المرتب بتاعه فى الصيف بس اد مرتبي فى السنه كلها ف محل الحلويات الام.طيب ياحبيبتى شوفتى ربنا كبير ازاى محبش يزعلك اهو وعوضك فى ساعتها اسيل.اه ياماما شوفت طبعا انا علطول واثقه فى ربنا بس هو فيه مشكلة صغيرة او كبيرة مش عارفه بصراحة الام.خير ايه هى المشكلة اسيل.الفندق مش هنا ده فى شرم الشيخ الام.ايه .لاء طبعا شرم الشيخ ايه انسي الموضوع ده اسيل.ياامي قبل ما تعترضى افتكرى المرتب بتاعه كويس ازاى وهينفعنا ازاى وبعدين بنت جدعه م انتى اللى مربياني الام.اسيل حبيبتى انا واثقة فيكي لكن مش واثقة فى الناس اسيل.متخافيش عليا انا مش هكون لواحدي رونزا معايا وانا جدعه وهعرف احافظ على نفسي كويس وطول م انتى بتدعيلي مفيش حد ابدا هيقدر يأذيني علشان خاطرى ياماما وافقي انا حابة جدا ادخل التجربة دي وصدقينى انا ادها ومش هخذلك الام.بلاش بقى محايلات كتير انا مبعرفش ارفضلك طلب اسيل.والله ما تخافي اصلا الفندق فيه الشغل ومسؤل عن الاكل والنوم كمان بتاعنا يعنى المرتب كله هحوشه وهينفعنا علشان خاطري ياماما وافقي علشان خاطري ورحمة بابا الام.مش بقدر اشوف عنيكي الحلوين دول زعلانين ماشي ياستى روحي بس خلي بالك من نفسك وتكوني اد ثفتي فيكي اسيل.بووووسة كبيرة شكرا اوي ياست الكل متقلقيش عليا بنتك راجل يلا بقى هروح اكلم روني وافرحها هي مستنياني ارد عليها ... مراد مع مروان فى عربيته مراد.بابا يعنى بيعاقبنى باللى عمله ده فاكر اني لو عايز اعمل حاجة هيمنعني منها بسفري ده منك لله يامروان انت بوش الخشب اللى لابسه اليوم كله ده هو اللي بيسخن ابويا عليا ياريتك طالع لأبن عمك ياريتك محترم زي ابن عمك طيب ياسيدي اهو هيبعتني معاك للشغل وانا هنام واتفسح واسهر وانت هتشتغل بقى وتشيل مروان.ايه الجديد يعني ما ده الطبيعي مراد.عمال اتصل بشاديه من الصبح ومش بترد عليا مروان.اه اكيد ماهي تلاقيها شافت الاخبار شادية.خير يا استاذ مراد بتتصل ليه مراد.شادية بكلمك من الصبح مش بتردي ليه شادية.كنت سايباك تحضر كدبه تبرر بيها الصور والاخبار اللى شوفتها مراد.بقى معقول يعنى ياشادية تصدقى عني حاجة زي دي اصلا البنت دي صاحبة مروان وانا كنت معاهم فى الديسكو مروان طلع يخرج العربية من الجراج وانا وهي طلعنا وراه بس المصورين شافونى في وشهم واشتغلوا يصوروني الفلاش بتاع الكاميرات ضايقني شديت معاهم قاموا عاملين الفيلم ده لكن البنت ولا ليا بيها اي علاقه من اي نوع من الاساس شاديه.بجد يا مراد مراد.اه طبعا اكيد مش هكدب يعني حتى اتصلي بمروان اسأليه شاديه.خلاص حبيبي صدقتك انا اضايقت فعلا لما شوفت الصور متوقعتش ان الموضوع كده عموما ماهو قعدتك ف بلد وانا ف بلد دي مخليه التفاهم بينا بطئ ومشاكلنا كتير عموما هانت كلها اسبوع وتجيلي ونقضي الصيف والاجازة سوا مراد.لاء بقى اجلي الموضوع ده شوية شادية.نعم ليه بقى؟ مراد.بابا شاف الاخبار والصور وقرر يعاقبنى وقف حسابي فى البنك وسحب مني مفاتيح العربية وقرر انى اروح اشتغل مع مروان فى الفندق بتاعنا الجديد في شرم الشيخ وللاسف مضطر اقبل والا هيفضل معاقبنى كده شادية.والله صدقتك انا كده.طيب وبتكدب ليه عادي لو مش عايز تقضي معايا الاجازة براحتك من غير كذب مش هتفرق اصلا انت العادي بتاعتك بتبوظلى كل الخطط بتاعتي مراد.وهكدب ليه طيب والله ده فعلا اللي حصل.وكان قبل ما يكمل كلامه شادية قفلت الخط فى وشه مراد.شوف يا مروان بكل خبرتى ده لسه معرفتش البنات بتفكر ازاى يعنى اكدب عليها تصدق الكدب فى لحظة لكن اقولها الصراحة تزعل وتتعصب وكمان تقفل الخط فى وشي غريبة جدا مروان.انت دماغك تافهة اوى يلا بقى سيبها تهدا واستعد للشغل. ... تانى يوم اسيل ودعت مامتها وسط دموعهم الاتنين لأن دى اول مرة تسافر وتبعد فيها عن امها وف مكان تانى مراد بيتخانق مع امه انه م اقنعتش ابوه انه يرجع فى قراره سيلا.مراد حبيبى سافر بس انت كام يوم وانا هكلمه واقنعه متقلقش وخد الفلوس د خليها معاك بس اوعى ابوك يعرف حاجة يلا بقى اتحرك انت علشان متتأخرش خرج مراد من الفيلا وخرجت اسيل من بيتها والاتنين اتقابلوا تانى صدفة لكن للأسف الصدف اللى بتجمع بين الاتنين دايما بتكون عن طريق تصادم . باااااااااااااااك