NALULUHA KAMING pinapanood nila Tita Naeya at Tito Dwayne habang maganang sinasabayan ko si Buchay na kumain.
Wala pa pala itong kain maghapon kaya kahit binalaan na ako ni Manager Tanya na ingatan ko ang fitness ko ay 'di ko magawang sundin ang utos nitong diet-diet.
Slim naman ang pangangatawan ko kahit malakas akong kumain kaya kampante akong hindi tataba.
Kung madagdagan man ang timbang ko eh 'di mag-ehersisyo na lang ako.
Halos lamutakin nito lahat ng pagkaing dala nila Tita para sa kanya.
'Di ko tuloy mapigilang makonsensiya dahil hindi manlang ito kumain habang wala ako.
Panay ang pahid ko ng tissue sa mga labi nito dahil sa kalat niyang kumain. Bakas ang gutom sa kanya sa paraan niyang kumain na kinakamay na naman at tila may kaagaw sa pagmamadali!
Dahan-dahan Buchay, mabil
