LUMIPAS ANG ilang minuto na pagmamaneho ng binata sa kaniyang tabi papunta sa gusto niyang puntahan ay hindi na nga nagtagal nang isang malapad na ngiti ang kaniyang pinakawalan nang matanaw niya na ang pinaka-signage ng lugar na may nakalagay na LA TRINIDAD FARM.
Mabilis na ibinaba niya ang bintana ng kotse sa may gilid niya upang mas matanaw niya ang ganda ng lugar na 'yun. Pagkababa na pagkababa niya ng bintana na 'yun ay agad na humampas ang medyo malamig na hangin mula sa labas sa kaniyang mukha.
Wala namang espesyal sa lugar pero masaya siyang makita ang hanay ng mga halaman na natatanaw niya mula sa mismong farm lalo na kapag alam niyang mga strawberry 'yun.
"Gusto mo na bang bumaba? Maghahanap lang ako ng parking area."biglang wika ni Lexus sa kaniya kaya naman mabilis niya i
