LUMIPAS ANG halos dalawang oras at kalahati ay nakarating na nga sila sa Baguio. Tahimik lang na nagmamaneho si Scot habang natutulog naman sa tabi niya si Stephanie. Gaya kasi nang pinag usapan nila ay nagpalit din sila agad sa pagmamaneho nang makapasok sila sa isang bayan kung saan posibleng may checkpoint... hanggang sa makarating na nga sila sa Baguio ay hindi na siya nag papalit pa kay Steph dahil nakatulog naman ang dalaga.
Tahimik lang siya at buong biyahe ay iniisip niya ang mga sinabi ni Stephanie sa kaniya lalo na nang mapag-usapan nilang dalawa si Mai.
Doon niya pa lang nalaman na wala talagang komunikasyon si Steph at ang dati niyang kasintahan. Inakala lang pala niya na hindi nawala ang connection sa dalawa pero 'yun pala ay matagal na itong hindi nag uusap. Matagal na pa
