KASALUKUYAN LANG na tinitingnan ni Stephanie ang kabuuan ng itsura niya sa harap ng kaniyang full length mirror matapos niyang maligo at makapag palit ng damit na susuotin niya para sa simple and mini reunion nila ng kaniyang mga dating kaibigan sa kolehiyo. Nakasuot lang siya ng itim na sando tube na pinatungan niya ng denim na jacket na top, at sa pang ibaba naman niya ay makapal na jogger pants. Ewan niya kung okay na ba ang damit na 'yun dahil unang-una ay ayaw naman niya na mag-dress at ang pangalawa ay dahil hindi pa naman niya alam kung saan sila pupunta para magkita-kita. Basta ang tanging alam niya lang ay susunduin daw siya ni Sandra Ignacio sa bahay na 'yun dahil 'yun ang sinend niyang address sa chat nila. Kaibigan niya rin si Sandra nung kolehiyo, madalas kasi na ito ang nakak
