Minabuting sa may desk na lang hintayin ang kaibigan. Matapos naman ng limang minutos ay lumabas na ito. Parang naginhawaan ito matapos lumabas mula sa banyo.
"Okay ka na niyan?" tanong rito.
"Yes," anito saka mabilis na nilisan ang kanilang opisina bago pa sila mapagsarahan sa tagal ng kaibigan sa banyo.
Sa isang seafood restaurant siya dinala ni Maine. "Wow!" hindi mapigilang turan ng makapasok doon.
"Treat ko dahil magaling ka sa iyong misyon," anito. "Kailangan na nating planuhin ang ating gagawin," dagdag pa nito sabay tawag sa waiter at um-order ng isang bucket ng iba't ibang uri ng seafood. Hinayaan ba lamang ang kaibigan dahil sa isang bucket ay tiyak na busog na silang dalawa.
Matapos makaalis ang waiter ay muling bumaling ito sa kaniya. "Naisip kong ituloy ang date nina Kuya
