"Sumakay ako ng jeep papuntang San Andres bukid Manila. Mabuti na lang at hindi masyadong traffic kaya nakarating agad ako. Malayo pa lang ako'y nakikita ko na ang mga batang kalye na nagtatakbuhan.
Sa tagal ko na ritong nakatira ay wala pa sa aking nagbabastos sa lugar na ito. Sabi nga nila basta't marunong kang makisama sa mga taong nakakasalamuha ay tutumbasan rin nila iyon ng paggalang.
"Shylyn!"
Napalingon ako sa babaeng tumawag sa pangalan ko walang iba kundi si Laylay. Tumigil ako upang hintayin ito. Mukha kasing may sasabihin sa akin.
"Saan ka ba galing?" tanong nito.
"May mga bagay lang akong inasikaso," sagot ko.
"Mainit ka sa mga pulis, Shylyn, halos araw-araw ay may pumupunta sa bahay mo. Alam mo bang kahit ako'y hinahabol na rin ng pulis, kaya aalis muna ako," anas nit
