#ThatGuyBook2_FallInLoveWithMe
EPISODE 51
Ang bilis ng panahon. Biruin ninyo… nakalipas na ang dalawang taon.
Dalawang taon na para sa akin… puno ng lungkot, sakit at pighati. Dalawang taon ng buhay ko na parang gusto ko ng alisin sa talambuhay ko.
Ewan ko ba kung bakit binigyan ako ng Diyos ng matitinding pagsubok. Magkakasunod na pagsubok na akala ko’y hindi ko na kakayaning gawan ng paraan at lagpasan.
Umayos ako ng upo sa damuhan. Nandito ako ngayon sa park kung saan dinadama ko ang masarap na simoy ng hangin. Wala lang, gusto ko lamang na nandito ako para kahit papaano’y marelax ang puso’t-isip ko.
Napatingin ako sa kalangitan… Naalala ko siya. Kahit papaano’y napapangiti ako kapag naaalala ko siya sa pamamamagitan ng pagtingin sa kalangitan pero hindi ko
