Dahil sa paghanga sa kuya-kuyahang si Reden ay lalongumiigting ang kagustuhan ni Katarina na gumanda, sinubukan niyang gupitin ang buhok sa malapad na nunal sa kanang bahagi ng pingis saka nilagyan ng creame na talagang pinaglaanan niya ng inipong pera para matakpan ang maitim na nunal.
Pagpasok sa silid nila si Nanay Estrella ay nagulat ito nang makita siya, inakalang agad itong nagandahan sa kanya dahil bahagyang natakpan ang pangit niyang nunal.
"Mahabaging Diyos!" bulalas nito sabay antanda ng cross. "Ano bang ginagawa mong bata ka?" sunod nitong wika na tila hindi nagustuhan ang kanyang ginawa.
Desperada na siyang gumanda dahil sa karamdaman niya ay pakiramdam niya ay mamamatay na siya. Gusto naman niyang maranasang mapansin ni Reden kahit sa sandaling panahon na itatagal niya sa m
