TINURUAN ako ni Yvo kung paano mag-motor. Noong una ay pabiro ko lamang itong sinabi sa kanya dahil alam ko naman na hindi siya magpapasakay ng ibang tao sa mga paborito niyang motor pero nagulat ako nang sabihin niyang tuturuan niya ako.
Hindi ako marunong at natatakot ako na hindi ko kayanin at mabunggo lamang ako. Mas okay pa sa akin ang magmaneho ng kotse.
May isang motor si Yvo na pwede kong pag-practice-an. Pinahiram niya sa akin iyon at ginabayan ako.
Mabilis naman akong natuto. Siguro dahil marunong naman akong mag-bike kaya siguro mas madali kong natutunan ang motor.
Iyon ay noong ordinaryong motor lang ang gamit ko.
Matapos ang ilang practice sa ordinaryong motor na may normal na taas at bigat, sinubukan ko iyong mas mataas at mas mabigat na motor.
Ayaw ni Yvo, sa totoo lan
