Avannah's P. O V.
Halos paliparin na ni kuya Anton ang sasakyan papunta sa ospital kung nasaan ngayon si ninong. Panay ang tawag ko kay Lorenzo upang malaman kung ano na ang lagay ni ninong. Iyak ako nang iyak sa sasakyan. Ang bilis ng pangyayari. Parang kanina lang natapos ang kaniyang interview pero ngayon nasa ospital na siya.
Sinabi sa akin ni Lorenzo na nawalan daw ng preno ang sasakyan ni ninong. Pero nakapagtataka naman daw na bigla na lang nawalan ng preno ang sasakyan ni ninong.
Nang makarating kami sa ospital, nanghihina at nanginginig ang buong katawan ko nang makita ang itsura ni ninong. Mayroon siyang mga sugat sa mukha. At nasa tabi niya si Lorenzo.
"Lorenzo... kumusta siya?" lumuluha kong tanong sabay hawak nang mahigpit sa kamay ni ninong.
"Medyo okay naman na siya. Ma
