Divine's P.O.V.
"Raider.... wala ka bang balak lumabas- labas?" tanong ko sa kaniya matapos ang shoot niya.
Kumunot ang kaniyang noo nang tumingin siya sa akin. "Ha? Anong lumabas- labas?"
Inirapan ko siya. "Lumabas tayo. Ano? Nakalimutan mo na ba ang palagi mong ginagawa kapag umuuwi ako dito sa Pinas? 'Di ba umaalis tayo? Lumalabas tayo?"
Bumuntong hininga siya. "Busy ako. Magpasama ka na lang sa kaibigan mo."
Napaawang ang bibig ko sa sinabi niyang iyon. "Ano? Tinatanggihan mo na ako, Raider?"
Hinawakan niya ang kaniyang sintido bago tumingin sa akin. "Ano bang sinabi ko sa iyo? Busy nga ako, 'di ba? May kaibigan ka naman na puwedeng sumama sa iyo pero bakit ako pa itong kinukulit mo?"
Kumurap ako ng ilang beses sa sinabi niyang iyon. Hindi ako makapaniwala na sasabihin niya sa a
