Avannah's P.O.V.
"Avannah... may tanong ako sa iyo," sabi ni Divine nang makaalis si ninong Raider.
May pupuntahan daw kasi si ninong Raider saglit pero babalik siya kaagad kaya naman kaming dalawa lang ni Divine ang naiwan sa opisina niya. Tiningnan ko siya. May edad na ang babaeng 'to pero kung pumorma ay parang dalaga lang. Sabagay dalaga pa naman talaga siya dahil wala pa siyang pamilya o kahit boyfriend.
"Ano po iyon?" magalang na tugon ko.
"Matanong ko lang kung may napapansin ka bang babae ni Raider?" nakataas kilay na sabi niya.
Napakurap naman ako. "P- Po? Ano pong babae?"
"Babae as in kung may nakakasama ba siyang babae. Kung may lumalandi ba sa kaniya," aniya sabay irap.
Nakagat ko ang pang ibaba kong labi. Bakit niya kaya tinatanong kung may babae si ninong? Ano naman an
