Avannah's P.O.V.
Sumilay ang malawak na ngiti sa labi ni Sheena nang puntahan ko siya sa canteen. Sabay na naman kaming kakain ngayong dalawa dahil wala si ninong Raider. May photoshoot na naman kasi ito at sinabi niya sa akin na baka gabihin siya ng uwi. Kaya naman mauuna na akong umuwi sa apartment mamaya.
"Mabuti naman at sabay ulit tayong kakain! Palagi na lang kasi kaming dalawa ni Lorenzo ang nagsasabay. Tapos wala naman siyang ibang bukambibig kun'di ikaw," natatawang sabi niya sa akin.
Tinawanan ko naman si Sheena. "Huwag mo na kasing asarin pa sa akin si Lorenzo para hindi na siya mas lalo pang mahulog sa akin."
"Hoy! Hindi ko siya inaasar sa iyo 'no. Talagang matindi na rin ang tama sa iyo ng lalaking 'yon. At isa pa, ako na nga ang nagsabi sa iyo na mabuting tao si Lorenzo e
