Avannah's P.O.V.
Tanghali na ako nagising dahil napuyat ako kaiiyak kagabi. Hanggang ngayon ay naiiyak pa rin ako. Bakit si Divine ang sumagot sa tawag? Bakit nasa kaniya ang cellphone ni ninong? Mabuti na lang pala at iyong bagong sim ang ginamit kong pantawag dahil iyon ang may load. Kaya unknown number ako sa cellphone ni ninong. Marahan kong kinusot- kusot ang mata ko. Naghintay ako kagabi kung uuwi ba dito sa apartment si ninong pero hindi siya umuwi.
Magkasama ba silang dalawa ni Divine buong magdamag? Ano kayang ginawa nila? Ginawa kaya ni ninong Raider ang ginagawa niya sa aking pagpapaligaya? Iniisip ko pa lang ang mga bagay na iyon ay para na akong mababaliw. Naisip ko na hindi pala talaga madaling magmahal. Lalo na kapag sa ganitong situwasyon. Nakababaliw ang magselos. Kung
