┈┈┈┈◦•✩•◦┈┈┈┈
Ilang oras pa ang lumipas at tuluyan ng bumukas ang pintuan ng operating room. Tila ba huminto ang pag-inog ng mundo ng lahat ng naghihintay sa paglabas ng mga doktor.
"Kamusta ang anak ko?" halos hindi mabigkas na ani ng ama ni David habang ang ina ng binata ay naginginig at tila ba ito hihimatayin.
"Ligtas na po ang pasyente, ngunit may mga bagay po kaming pinapangambahan kapag tuluyan na siyang nagising," wika ng doktor kaya lahat ay nakaramdam ng takot at naghihintay sa muling sasabihin ng doktor sa kanila.
"Matindi ang pagkakasalpok ng ulo ni Mr. Hendrickson sa kanyang airbag at sa steering wheel. At dahil sa nangyari ay maaaring makaranas ang ating pasyente ng pagkawala ng kanyang mga paningin or sa madaling salita ay maaari itong mabulag. Malalaman natin ang kondi
