❀⊱┄┄┄┄┄┄┄┄┄⊰❀
Maghapon na walang ginawa kung hindi ang maligo ng maligo ang magkaibigan sa beach. Habulan dito at habulan duon ang ginagawa nilang dalawa ni Gwenett.
Makulimlim na ang kalangitan at maganda ang panahon. Maaga pa lang ay nag-aayos na ang kuya ni Gwenett ng mga kahoy na gagamitin nila mamaya para sa isang bonfire.
""Naku sir ako na ho ang maghahakot ng mga kahoy," sabi ng isa sa mga tauhan ni Lance ng makita nito na maraming binubuhat na kahoy ang kanilang amo.
"Oo nga naman kuya. Baka masugatan ka pa ng mga kahoy na 'yan," ani naman ni Gwenett.
Nagkibit balikat na lamang si Lance at binitawan ang mga kahoy na kinukuha sa kanya ng kanyang mga tauhan. Nagpagpag ito ng kanyang damit at nagpaalam sa magkaibigan na aasikasuhin naman niya ang mga iluluto nilang bbq mamaya.
