Habang nasa biyahe ay nagtaka si Marcus, kung bakit itinigil ni John ang sasakyan.
"Sir, sandali lang po, may bibilhin lang ako," sabi nito.
Hindi siya umimik, hinayaan niyang makalabas ng sasakyan si John. Buhat sa salaming bintana ay tinanaw niya kung saan ito papunta. Maraming nagtitinda ng mga pasalubong na pagkain sa gilid ng kalsada, may kasoy, pili, minatamis na mani, mga kakanin, chicharon at kung ano-ano pa. Ang ipinagtataka ni Marcus ay kung bakit parang ang daming pinamili ni John, mag-isa lang naman ito sa bahay. Iniisip niya kung saan nito ibibigay ang mga pinamiling pasalubong na iyon? Ilang minuto lang ay nakabalik na rin ito.
"Pasensiya na Sir kung natagalan," ani John. Ipinatong nito ang may kalakihang bag na pinamili sa passenger seat at sinimulan ng paandarin ang sasa
