"Ano'ng ginagawa niyo rito?" tanong ni Marcus kay Selena.
"Si-Sir, gustong makita ni Liam kung saan ka nagtatrabaho kaya sinamahan ko siya rito," tugon naman ni Selena.
Sabay na napalingon ang dalawa kay Liam, lumusot ito sa nakaawang na pinto at pumasok sa loob ng opisina ni Marcus.
"Wow, Daddy! Your office si so big!" bulalas ng bata.
Sinundan ng tingin ni Marcus ang kaniyang anak. Imbes na palabas na sana siya ay ginawa niyang pumasok sa loob, napasunod na rin si Selena para tingnan ang kaniyang alaga.
Hinawakan ni Liam ang itim na leather sofa na naroon, ito ang nagsisilbing tanggapan ng mga bisita. Nang makita ng bata ang working table ng kaniyang ama ay dali-dali itong pumunta roon. Sumampa sa upuan at naupo. Nadiskubre niyang umiikot iyon, nagustuhan niya kaya naman pinaikot-ik
