"Sir may bisita ka," sabi ni Leni.
Kasalukuyang nasa gazebo si Marcus at nagre-relax.
"Sino?" kunot noong tanong niya.
"Kami."
Napalingon siya sa nagsalita. Nagulat siya ng makita si Charlene.
Araw ng linggo iyon at hindi inaasahan ni Marcus na bigla na lamang susulpot sa kaniyang bahay si Charlene kasama nito ang anak na si Tyler.
"Good morning, Marcus!" nakangiting bati ni Charlene.
"Good morning, Tito Marcus!" bati rin ni Tyler, tumakbo ang bata papalapit sa kaniya at yumakap.
Ang eksenang iyon ang nakita ni Liam. Nangunot ang noo ng bata.
"Who's that kid, Selena?" tanong nito sa kaniyang yaya.
"Iyan ata ang anak ng Tita Charlene mo," sagot naman ni Selena.
Muling bumalik sa alaala niya ang nakita nila noon ni Liam sa mall, na si Marcus ay may kasamang babae at bata na ku
