"Ano'ng ginagawa mo?"
Lumapit si Dina kay Selena para usyosohin ang isinusulat nito sa maliit na notebook.
"Wala, nagte-take note lang ako ng mga importanteng bagay rito sa binabasa ko," tugon niya. Hiniram niya ang android phone ni Dina para mag-search sa google ng mga good parenting tips at iba pang mga bagay tungkol sa tamang pag-aalaga ng bata.
"Hala, may paganyan ka pa. Talagang siniseryoso mo na ang pag-aalaga kay Liam. Aminin mo nga napamahal ka na sa bata ano? Sabagay, kahit naman makulit si Liam ay napakagwapo namang bata. Hindi naman siya laging nakakainis, minsan ay nakakatuwa rin siya."
Sumang-ayon siya sa sinabi ni Dina. May mga pagkakataon din naman na may ginagawang maganda at nakakatuwa ang kaniyang alaga.
"Gusto kong ayusin ang istilo ko nang pag-aalaga kay Liam. Bata
