"Gian, bantayan muna sina Kaiser at Kelly." Utos ni Mico sa panganay naming kahit pitong taong gulang na ay nagpapa-baby pa rin sakin.
Imbes na iyong mga batang kapatid niya ang nakasiksik at naglalambing ngayon sakin ay siya pa itong tinalo pa ang Daddy niya sa pagbuntot sakin.
" Dad, may Yaya sila," seryoso nitong paalala sa ama.
Nagpipigil ako ng ngiti nang makita kong unti-unti nang naiinis si Mico sa anak niya.
Sanay na ako sa eksena nilang ito dahil sa bawat araw na ginawa ng Diyos ay talo pa nila ang aso't pusa sa pag-aagawan sa atensiyon ko.
"Gian, kanina mo pa kasama ang Mommy mo, ako naman ngayon," parang batang himutok ni Mico.
Nagtagisan ng masamang tingin ang dalawa, parehong ayaw bumigay.
Di tuminag sa pagkakasiksik sa tabi ko si Gian habang nakaupo ako sa kama at ka
