PRENATAL check-up ko at sinamahan ako ni Macario tulad ng dati.
Sa nakasanayan naming hospital kami nagpapa-check.
Nakakapanibago lang ngayong araw dahil mayroon daw free clinic na nangyayari kaya napakaraming tao.
Isang malaking hospital daw ang nagpasimuno ng free clinic services na dinaluhan ng mga magagaling na doctors sa iba't-ibang field.
May nakasalubong na kakilala si Macario kaya nagpaalam akong mauna na sa kanya sa kotse.
Madali na kasi akong mapagod dahil kabuwanan ko na at napakalaki na ng tiyan ko na parang bola.
Naglakad-lakad ako malapit sa nangyayaring free clinic services at inaaliw ko ang mga mata ko sa dami ng mga taong dumalo at sa nurses at doctors na umiestima sa mga pasyenti.
Di ko alam pero parang ang gaan-gaan ng pakiramdam ko habang pinapanood ko ang mga do
