Chapter Forty-four
"Top, nandyan ka na ba ngayon kasama si papa?" tanong ko sa lalaki. Kausap ko ito kanina at inutusan itong magtungo may papa. Sa isang tawag lang din nj Governor Andreras ay nakuhang pumasok ni Top kahit alanganin na ang oras para lang makapag-usap kami ni papa.
"Oo, hinihintay ko na lang na ilabas siya at dalhin dito sa silid na kinaroroonan ko." Nasa laptop na si governor. Nakikipagpulong sa isang opisyales din ng Santa Dominga. Medyo dumistansya lang ako upang hindi marinig ang boses ko ng kausap ni Governor. Pormal na pormal ang itsura ng lalaki. Sinesermunan nito kanina ang kausap dahil sa palpak na trabaho.
Mukha ngang mas matanda pa iyong kausap n'ya, kaysa sa kanya. Pero pagdating sa trabaho ay walang matanda o bata sa gobernador.
Kapag palpak... sermon.
"Ku
