Chapter Fourteen
"Ano ba kasing naisip n'yo at nagpunta kayo roon?" sermon ni Manang Nelly habang maingat na nililinis ang gasgas sa braso ko. Mayroon din sa hita at likod. Kaya parang uusok na ang ilong ng matanda sa galit.
"Sorry po, Manang Nelly. Hindi na po mauulit." Hingi ko nang tawad.
"Sino ang nagsabi sa inyo na pwede n'yong galawin ang kabayo?" agad kaming nagkatinginan ni Shaira.
"A-ko po. Ako po ang unang humawak sa kabayo---"
"Ikaw rin ang nagdesisyon na sumakay na lang basta roon?" may pagdududang ani ng matanda.
"Opo." Kaysa naman si Shaira pa ang mapagalitan. Mabuti na nga lang at nahuli agad ang kabayo, eh.
"Ineng, hindi iyan okay. Mali iyang ginawa mo. Alam mo bang kapag napahamak ka ay kami ang malalagot? Sa amin ka ipinagkatiwala ni gov. Sa tingin mo ba'y hindi ka
