Chapter Nineteen
"Top?" para nang sasabog ang puso ko, samantalang sinagot lang naman ng lalaki ang tawag ko. Cellphone ni governor ang gamit ko, kabubukas lang kasi no'ng in-deliver dito na phone na para sa akin. Narito lang din sa tabi ko si governor at naka-loudspeaker pa ang phone. Hindi naman ako nito inutusang gawin iyon, pero ginawa ko pa rin dahil ayaw kong magduda ito sa akin.
"Miss L-ucinda?" hindi makapaniwalang bigkas ni Top sa pangalan ko.
"Ah, number ito ni gov at narito siya sa tabi ko. Pinayagan n'ya akong matawagan ka. Kumusta si papa, Top? Okay na ba siya? Nakausap mo na ba si attorney? May balita na ba?" sunod-sunod na tanong ko rito.
"Okay naman ang papa mo no'ng bumisita ako kaninang umaga sa kanya. Dinalhan ko siya ng pagkain. Kita ko namang medyo bumuti ang lagay
