Chapter Forty-six
"Ako na ang bahala sa kanya. Bumalik ka na ng Santa Dominga, anak. Baka maghinala sila kapag napansin nilang wala ka." Naririnig ko ang nanay ni governor na mahinahon siyang kinakausap. Ako na nakamasid lang ay nais ko talaga siyang tutulan. Gusto kong kasama lang si governor. Iba na talaga iyong attachment ko sa lalaki. Nakakatakot na rin talaga.
"Ma, iyong pinag-usapan natin. Ipangako mo na susunod ka."
"Oo na! Ako na rin ang bahala kay Lucinda, hijo. Trust me, okay?" sumulyap pa si governor sa akin.
"Sige, babalik ako." Napangiti naman ang ginang. May helicopter sa likod. Iyon ang ginamit ng lalaki no'ng bumalik siya rito. Kaya iyon din ang sasakyan nito pabalik sa Santa Dominga.
Lumapit ang lalaki sa akin. Nakuha pa nitong sapuin ang aking pisngi saka ako niyuko
