ALICE DE RUSI
"Saan ba talaga tayo pupunta?" naguguluhang tanong ko kay Kleinton.
"Sinabi ko na sa 'yo na pupunta tayo sa resort. Birthday ni Kyle ngayon at ayaw kong wala na naman ako sa birthday niya. Ilang beses na akong hindi nakadalo sa kaniyang birthday," hindi man lang siya lumingon sa akin.
Habang nagmamaneho, kinuha nito sa bulsa ang phone at may tinawagan.
Alam kong secretary niya ang tinawagan niya at kausap niya ngayon sa phone. Hindi siya makakapunta sa kompanya ngayon dahil sa event na ito.
Napasulyap ako sa paper bag na nasa back seat. Tamang-tama naman na nakabili kami ng mga undergarments at binilhan pa niya ako ng two piece bikini.
Makakaya ko kayang suotin 'yon. Hindi kaya mahalata na ang umbok ng tiyan ko.
Kinuha ko ang phone ko dahil naalala ko si Bettina.
