Jessa's POV
WALANG ampat ang luha sa kanyang mga mata. Hindi niya alam kung saan ba siya nagagalit. Kung sa kaalamang si Xyrius ang nasa likod kung bakit nawala ang mga negosyo nila, kung bakit lubog sila sa utang. Apo pala ni Mr. Moretti ang walangyang Xyrius na iyon. Kaya pala ganoon na lang kadali para dito ang bilhin ang kontrata niya kay Mr. Moretti. Ito rin ang dahilan kung bakit na-kidnap ang Papa niya. Para ano? Para mas lalo siyang ilubog sa utang! Para magawa nito ang lahat sa kanya.
Galit na galit siya at gusto niyang magwala pero ubos na ang lakas niya. Binayaran siya ng Daddy ni Xyrius, na parang isa siyang bagay na may katapat na halaga. Binayaran siya nito para tapusin na ang kalokohan ng anak nito.
At mas nagagalit siya sa kaalamang ikakasal na pala si Xyrius. Sa isang
