“SORRY, Ate. Halos buong araw kasi akong nasa business meeting kahapon kaya hindi ko napanood sa news ang tungkol pagkapanalo mo. Pero kahit late man, congratulations pa rin!” paliwanag ni Rhaine nang magkita sila, sabay yakap sa kaniya.
Bago bumalik sa Batanes, dumaan muna si Summer sa bahay nila nang malaman mula sa kapatid na wala roon ang kanilang ama at nasa bahay daw ng kumpadre nito. Nag-alala kasi siya na baka ikagalit ng kanilang daddy kapag nagpakita pa siya. Nagpasama muna siya kay Tita Aurora dahil si Mark Anthony ay sinamahan naman si Mia sa doctor nito.
“Thank you, Rhaine. Sayang nga at wala kayo doon ni Daddy kahapon,” sagot ni Summer habang pilit na itinatago ang lungkot sa kaniyang mukha. “Hindi na bale. Sigurado namang lalabas sa online ang balitang iyon. Panoorin mo,
