NILUKOB ng kakaibang damdamin ang puso ni Summer nang makapasok siya sa dating silid sa bahay ng Lola Margaret niya na itinuring na rin niyang pangalawang tahanan. Naghalo ang lungkot at saya sa kaniyang mukha nang ilibot niya ang paningin sa buong silid. Ngayon na lang niya uli nasilayan ang kuwartong iyon. At sa tingin niya, parang wala namang nagbago. Nasa dating ayos pa rin ang gamit na iniwanan niya four years ago. Napangiti siya kapagkuwan. Ibig sabihin, umasa pa rin ang Tita Aurora at Lola Margaret na babalik siya kaya walang ginalaw ang mga ito sa silid niya.
“Home sweet home.”
Inilapag niya ang maleta at umupo muna sa gilid ng kama. Saka lang nangibabaw ang lungkot na naramdaman niya nang humayon ang kaniyang paningin sa labas ng bintana at nakita niya ang isang malawak na two-
