Agad na naipikit ko ang aking mga mata nang salubungin kami ng matinding liwanag nang makapasok sa loob ng pinto. Kasabay rin nito ay ang matinding init na ibinubuga ng hangin na tumatama sa aking buong mukha.
“Oh my freaking gosh! What the freaking hell?” Ang eksaheradang bulalas ni Ellie ang nagpamulat sa aking mga mata.
Sa mga oras na ito ay pakiramdam ko ay nanlaki ang ulo ko nang bumungad sa aking mga mata ang mga nilalang na nakita namin sa LED monitor kanina. Halos matulos sa kinatatayuan ang mga kasama ko na hindi rin maituloy ang paglalakad. Sa harapan naming lahat ay nandoon ang sa tingin ko ay nasa sampu rin na bilang ng mga lobo.
Katulad sa napanood kanina, namumula rin ang mga mata nito. Mukha silang nag-adik sa loob ng sampung taon. Mayroon din silang sungay sa mga ulo. T
