“Where are you? Malapit na ako sa university.” – Ellie Ganda.
Nasa loob ako ng sasakyan at kasalukuyang bumabyahe papasok ng school nang tumunog ang aking cellphone. Isang mensahe mula kay Ellie ang aking natanggap. Nagpalitan kami ng numero kahapon bago tuluyang maghiwalay ng landas.
“I am on my way to the university. See you later.” I even put an emoji after the last letter.
Wala pang ilang segundo ang nakalilipas nang muli akong makatanggap ng reply mula sa kaniya.
“Okay. Natatanaw ko na ang gate na maganda. I will wait for you there, best friend.”
Napangiti ako nang mabasa iyon. Kahit pagdating sa text ay parang naririnig ko pa rin ang boses niya. Napapailing na itinago ko na lang ang aking telepono. Malapit na rin naman ako sa La Deita.
Ilang minuto lang ay naatanaw ko na rin a
