Chapter Thirty-three
“O, nanay huwag kakalimutan ang mga bilin ko sa iyo ah? Kailangan mong pagpalakas. Mahirap magkasakit lalo na sa edad niyo,” sabi ni Raphael sa kanyang pasyente. Nasa edad sixty years old na ang babae at nadiagnosed niya itong may pneumonia. Ngumiti ang kanyang pasyente at hinawakan ang kanyang kamay.
“Maraming Salamat sa iyo Doc. Ikaw ang pinakamabait na doctor na nakilala ko,” sabi ng kanyang pasyente. Nakaramdam naman siya ng kasiyahan dahil sa narinig niya.
“Naku nanay naman. Lahat naman po ng doctor mababait.”
“Ay hind! Alam mo ba ang doctor ko sa kabilang ospital, ubod ng suplado. Lagi pang nakasimagot. Hindi tulad mo lagging nakangiti kaya hindi ako kinakabahan kapag magpapacheck-up ako.”
“Si nanay talaga. Grabeng papuri na po ang natatanggap ko
