Agad akong hinawakan ni JM nang makaalis siya sa kanal. Nakita ko pa ang mga sugat niya sa braso at tuhod kaya lihim akong napangiwi. Nag-umpisa kaming maglakad at ramdam ko ang pagsunod samin ni Honn.
Hanggang sa makabalik kami sa bahay, at as usual, sinermunan na naman kami ng matatanda habang nag-huhugas kami sa poso. Napanguso ako nang umupo si Honn sa mahabang upuan na kahoy sa ilalim ng puno ng santol. Ngayon ko lang napansin na naka-white longsleeve polo siya at black slacks. Nagdekwatro siya at nakita ko ang black shoes niyang makintab. Itsura pa lang ay galing siya sa trabaho kaya bakit siya nandito at bakit niya kinakausap ang mga lola ko?
Tinuloy ko na sa paghihilamos at nagtooth brush na rin ako saka nakabalot sa tuwalya na muling pumasok sa bahay. Nabungaran ko pa doo
