Pagkatapos nga ng isang oras ay umalis kami ni Kuya Ion para mag biyahe papunta sa Young Bucks Society Building. May unit din naman si Kuya doon pero dahil sobrang bihira na lang niyang umuwi sa bahay ay nagtatampo si Mommy kaya imbes na sa unit niya siya dumiretso pagkagaling sa airport ay sa bahay na siya umuuwi.
Nasa gitna na kami ng byahe nang maisipan kong kausapin si Kuya. Tahimik lang siya at nakatuon lang ang buong pansin sa pagmamaneho kaya nilingon ko siya.
“If I would date someone again, I would choose someone who has Chinese blood, Kuya…” pasimpleng sambit ko. This is my way of telling him to pursue his current relationship. Hindi ko gusto na malaman niya na alam ko na ang tungkol sa pakikipag-date niya sa babae na hindi Chinese dahil alam kong mag-aalala lang siya at iisipin
