Pagdating sa kwarto ay mabilis na kumilos ako para maligo at maghanda para sa muling paghaharap namin ni Brett.
Habang nasa shower room ako ay hindi ko maiwasang isipin na gano’n siya kasama para manahimik at hayaan na isipin ng mga tao na sa aming dalawa ay ako ang sumira sa relasyon namin.
Hindi tuloy ako mapakali at gustong-gusto ko na siyang makita at muling ipamukha sa kanya kung ano ang ginawa niya.
Hindi ko matanggap na sa pananahimik ko ay ako pa ang madedehado kahit na ang totoo ay ako ang pinaka nahirapan dahil sa kinahinatnan ng relasyon namin.
Hanggang sa pagbibihis ay pabaik-balik pa rin sa isip ko ang mga posibleng scenario na mangyayari kapag nagkita ulit kami. Alam kong hindi na naman matatapos ang paghaharap naming ito na hindi ako umiiyak. Pero dahil mas nangingibabaw
