Nauna kaming makarating sa venue keysa sa iba kung saan gaganapin ang aming pageant, bukod sa may practice pa kami kung paano kami i-entrance at e-exit ay sadyang maaga lang talaga kami. May sayaw din kami bilang panimulang bilang.
Nang matanaw ko ang mga nagagandahang babae sa labas ay parang ayaw ko ng bumaba ng sasakyan at tumuloy. Nahihiya ako, dapat talagang si Cass nalang ang inilaban nila dito at hindi ako.
"Suzy," tawag sa akin ni Cass, "Tara na," hila niya sa akin pababa kung kaya't napilitan akong bumaba ng sasakyan.
"Anak, galingan mo ha?" pag che-cheer na agad ni Papa.
"Papanoorin ka namin kaya galingan mo," dagdag ni Mama.
"Gagalingan ko po," nakangiti kong tugon sa kanila.
Nagtungo kami sa likod ng stage na magsisilbing dressing room ng lahat ng kalahok. Doon ay naa
