Sa kwarto ako namin nagtambay pagkadating ko ng aming bahay. Doon ko ibinuhos ang lahat ng aking luha, ang lahat ng sakit ay sa kumot ko ipinahid ang naging luha. Nang bumukas ang pinto at iniluwa nito si Kuya Van ay mabilis akong napabangon at tumalikod sa kanya.
"Suzy are you okay?" unang tanong niya, "May problema ba kayong dalawa ni Cass, anong nangyari?"
Itinago ko sa kanya ang aking mukha at hinayaan kong katahimikan lang ang maging sagot ko sa kanya. Alam kong nasa aking mukha pa ang bakas ng aking ginawang pag iyak, kaya hindi ko kayang ito ay ipakita sa kanya.
"Little S," buntong-hininga niya, "Magpalit ka na ng damit at gagamutin natin 'yang mga natamo mong sugat at kalmot, pati 'yang hiwa sa labi mo." utos niya sa akin at ibinagsak sa kama ang aking pambahay na kinuha niya
