Chapter 38
Lorenzo
Damn! Hindi ko pa rin lubos maisip na ang anak nila Tita Amanda na inirereto ni Mommy sa akin ay si Shasha. Nagulat ako nang makita siya at ang head of designer pa talaga ng kompanya ang boyfriend niya?
Gusto kong tumalon sa lamesa upang yakapin siya, subalit naudlot iyon nang ipakilala niya ang Florida na iyon sa harap ng mga magulang niya. Matagal na raw sila. Si Florida ba ang dahilan, kaya iniwan niya ako? Bakit nagpanggap siyang mahirap ganoong isa sa pinakamayamang tao ang pamilya nila sa bansang ito?
May papel pa ba ako sa buhay niya? O isa lang akong bangungot na dumaan sa buhay niya? Marami akong gustong itanong sa kaniya kung bakit niya ako iniwan? Kung bakit siya nagsimungaling sa akin at nagpanggap na mahirap? Minahal niya ba talaga ako? Subalit nakikita
