"SO, here we go, mag-order muna tayo, baka nagugutom ka na," sabi ni Simon de Guzman kay Maureen nang makaupo sila sa loob ng VIP area ng restaurant kung saan nagpa-reserve si Simon de Guzman.
Nahihiya pa nga siyang pumasok sa restaurant dahil kitang-kita niya kung gaano kaelegante ang buong lugar, habang siya ay galing pa mismo sa opisina ng kaniyang Boss Amo na hindi man lang nakapag-ayos-ayos dahil sa pagmamadali. Nahihiya siya, pero mukha namang walang pakialam ang mga tao sa loob ng restaurant pati na ang mga crew, nakangiti pa nga ang mga ito habang papasok sila at iginigiya sila papunta sa reservation ni Simon de Guzman.
Maging si Simon de Guzman ay tila walang pakialam sa itsura niya, wala rin namang dahilan para makialam ito, iniisip niya lang na nakakahiya lalo pa't napakalinis
