Easton Maravilla: Taste Of Heaven

CHAPTER 8: First Night

Para pa rin akong nakalutang sa alapaap. Nakangiti nga lang ako habang may sinasabi sa akin ang secretary ni Mr. Phil. Pinapirma na rin niya ko ng contract sa bar na ito at binigay sa akin ang copy ng contract na pinirmahan ko at ang rules and regulations ng bar.

Sinabi rin ng secretary ni Mr. Phil na tatlo lang daw kaming natanggap sa mahigit 20 applicants na nag-try kanina. Hulog ng langit si Toni sa akin.

Ang kailangan ko na lang gawin ay mag-resign sa dalawang trabaho ko: ang Donut shop and sa restaurant.

Hindi na ako nakapagpaalam kay Toni dahil ilang oras na lang daw ay magbubukas na rin ang bar. 5PM hanggang 2AM ang operation hour ng bar na ito. Not bad sa malaking sahod na binibigay nila.

“Ate Gizzy! Nakapasa ka po ba?”

Pagkapasok ko pa lang sa bahay ay sinalubong na agad ako ng tanong ni Mariel. Umupo ako sa sofa at ngumiti nang napakalaki sa kanya.

“100% pasok ang ate Gizzy niyo!” masayang sabi ko sa kanilang dalawa at tinalunan nila ako nang mahigpit na yakap.

“Congratulations, ate Gizzy!” Sabay na sabi nila sa akin.

“Kailan ka po mag-uumpisa sa work mo, ate?” Napatingin ako kay Mariel dahil sa tanong niya.

Tinanggal ko ang sapatos ko at tinabi sa gilid ng sofa at maging ang suot kong loose long sleeve ay inalis ko na rin.

“By next weekend, need ko na mag-umpisa. Kaya kailangan ko na mag-resign sa dalawang trabaho ko.” Bigla tuloy akong nalungkot. Maiiwan ko sina Lily and Rachel sa restaurant.

“Ang bilis po! Ano pong requirements kailangan mong ipasa sa new work niyo po as a dancer?” Nakapanglumbaba tanong sa akin ni Ariel.

“Pinasa ko na kanina niyong NBI, philheath and iba ko pang government ID's sa kanila. Wala na akong ipapasang iba bukod doon sa medical na ginawa sa amin kanina. Tinignan nila kung wala kaming sakit. Kaya ayos na ako sa requirements.” saad ko kay Ariel.

“Wala ka pong ginastos sa medical, ate Gizzy?” Umiling ako sa tanong ni Mariel. “Wow! Ang yaman nila!” manghang sabi niya.

“Oo nga pala...” Kinuha ko ang backpack na dala ko kanina at nilabas ang plastic envelope kung nasa'n ang contract and ang rules and regulations ng bar.

Kinuha ni Mariel ang rules and regulations at binasa niya ito. “Rules and Regulations of Flavor of the Month bar:

1. Don't fall inlove to the boss. Sinong boss ang tinutukoy rito, ate?”

Napaisip ako sa sinabi ni Mariel. “Iyong pinaka-may-ari yata ng bar na iyan. Mr. Maravilla ang name ng may-ari pero hindi ko pa naririnig ang full name niya.” saad ko sa kanya.

Tumango-tango siya sa akin. “Number 2: Don't be jealous. Number 3: Don't be greedy. Number 4: Don't be too nice to everyone. and last, Enjoy every moment you have here.” Pagtatapos na basahin ni Mariel sa Rules and Regulations ng bar. Binaba niya ang papel na hawak niya at tumingin sa akin. “Sa lahat ng nakalagay r'yan sa papel, sa huli lang ako sumang-ayon, ate Gizzy.”

Hindi ko na pinansin ang sinabi ni Mariel at binalik ko na ulit sa plastic envelope ang rules and regulations ng bar.

“Masaya kami sa'yo, ate Gizzy, na makakasayaw ka na ulit sa maraming tao, niyon nga lang sa bar pero high-end class na bar naman niyong pinag-ta-trabahuan mo! Maganda po ba ang loob ng bar, ate?” Nakita ko ang pagningning ng mga mata ni Mariel sa akin ng sabihin niya ang kanyang tanong.

Tumango ako sa kanya. “Super ganda ng loob! May second floor pa mismo ang bar na niyon! Ang dingding ng bar kumikinang sa kulay blue and purple. Ang stage roon pinapalibutan sa taas ng maraming ilaw at may tatlong hagdan sa harap sa stage. Napaka-comfortable rin ng mga upuan doon.” masiglang sabi ko sa kanilang dalawa.

“Base sa mga sinabi mo ate Gizzy, na-i-imagine ko tuloy na maganda, classy at comfortable nga ang bar na pagta-trabahuhan niyo po.”

Tumayo ako at kinuha ang backpack na dala ko. Ngumiti ako sa kanilang dalawa. “Sa unang sahod ko, kakain tayo sa labas! Pangako niyan sa inyo lalo na't nangunguna ulit kayo sa mga klase niyo!” Tinapik ko ang magkabilang braso nila.

“Talaga, ate?”

“Thank you agad, ate Gizzy!”

“Kaya dapat pagbuntihin niyo pa, ha? Para sa sarili at sa magulang niyo, makakapagtapos kayo ng pag-aaral!” saad ko sa dalawa at sumang-ayon sila sa aking sinabi.

---

“Gizzy,” Napakislot ako ng hawakan ni Toni ang kamay ko. “Nilalamig ang mga kamay mo. Huwag kang kabahan lalong hindi ka makakapag-concentrate niyan. Relax lang!” Pagpapalakas ng loob ni Toni sa akin.

Ito na ang unang gabi ko sa Flavor of the Month bar. Kanina naka-relax pa ako habang nagpa-practice kami ng sasayawin namin mamaya. Kami raw kasi ang unang sasayaw sa harap ng mga customer namin. Hindi naman labas ang kaluluwa ng damit na suot namin, naka-sexy Cross Letter Printed Woven Ribbon Camis Tops kami and same sa aming pang-ibaba at naka-black mesh bodysuit kami.

“Galingan mo mamaya, Gizzy. Ito ang first dance niyo at paniguradong panonoorin kayo ni Manager Phil. Isa sa inyong tatlo ang magkakaroon ng big break at mag-so-solo ng mga prod sa bar na ito.” Naging mahina ang boses niya sa huling sinabi niya at brinush ulit ang pisngi ko. “Kaya dapat galingan mo, okay?”

Napatitig na lang ako sa kanya ng tumayo siya sa aking tabi. Hindi ko alam na may gano'n pala rito?

Big break?

Palihim akong tumingin sa dalawang bago na katulad ko, sina Sasha and Zoe. Matatangkad ang dalawa katulad ko. Iyon nga lang si Zoe ay may pagka-morena na bumagay naman sa kanyang mukha, maikli rin ang buhok na mayro'n si Zoe na hanggang sa kanyang batok at si Sasha naman ay may mahabang buhok katulad ko, kaya siguro si Zoe ang nasa gitna namin mamaya.

Napayuko ako at pinaglapat ang magkabilang kamay ko sa gilid ng table. “Kaya ko 'to! Kaya natin 'to, Gizzy! Para sa dalawang pinsan ko at sa future naming tatlo!” bulong ko sa aking sarili.

“Okay! Gizzy, Zoe and Sasha, mag-ready na kayo, okay? Kayo ang unang sasayaw para sa debut niyo rito sa bar!” Magiliw na saad sa amin ni Mamu – ang manager ng lahat ng mga dancer dito sa bar.

Mabait si Mamu at babae siya pero mas bet niyang tawagin siyang Mamu. Siya rin ang nagtuturo ng mga sayaw sa lahat ng dancer mayro'n dito. Halos nasa 20 yata ang dancer sa bar na ito.

Lalo tuloy akong kinabahan dahil sa sinabi niya. Nanlalamig na ang aking magkabilang palad. Bwisit! Ba't ngayon pa ako ninenerbyos!

Kalma lang tayo, Gizzy! Okay, kalma lang. I-relax natin ang puso at huminga tayo nang dahan-dahan.

“Gizzy, are you okay? Kinakabahan ka ba?”

Napa-angat ang aking tingin ng may marinig akong boses at nakita ko si Zoe na nakatingin sa akin.

Nahihiya man ako pero tumango ako sa sinabi niya. “Mm-hmm...”

Tinapik niya ang aking kanang balikat. “Chillax, okay? Ganyan talaga first time natin sasayaw. Maging ako at si Sasha ay kinakabahan din pero dapat galingan natin ngayong gabi!” ani niya sa akin at kinindatan pa niya ako.

Napangiti na ako dahil sa kanyang sinabi at biglang naging normal ang pagtibok ng puso ko.

“Okay! Sasha, Gizzy and Zoe kayo na ang sasayaw! Halos puno ang bar today! Kaya galingan niyong tatlo!”

Napatayo na ako at isang malakas na buga ang aking ginawa bago nilisan ang dressing room namin.

Kailangang galingan ko 'di dahil gusto kong makuha ang solo prod, kundi dahil kay Toni para malaman ni Mr. Phil na hindi siya nagkamaling bigyan niya ako ng contract at kunin bilang dancer dito.

Ngumiti ako nang napakalaki ng marinig ang sigawan at palakpakan ng matapos magsalita ang emcee sa bar na ito. Sabay kaming tatlong pumunta sa dance floor at gano'n na lang pagkagulat ko na sobrang daming tao. Ganito ba palagi rito?

Tumugtog ang song na pinactice namin at kusang gumalaw na lamang ang aking katawan kasabay ang ritmong ng kantang lumulukob sa buong sulok na bar na ito.

Ginawa ko ang lahat para ma-impress ang mga manonood sa akin. Maging ang ekspresyon ng mga mata ko ay ginawa kong ka-akit-akit, isama mo pa ang madalas na pagkagat labi ko habang sumasayaw ako sa gitna ng mga tao.

Lumuhod kaming tatlo at pinalandas ko ang aking kanang kamay sa gitna ng dibdib ko pababa sa aking tiyan. Halos sumisigaw na ang mga tao dahil sa ginagawa naming tatlo. At, sa pagtatapos ng aming prod ay humiga kami sa floor ng stage habang nakabagsak ang mga buhok namin sa gilid ng stage at nakalagay ang kanang hintuturo ko sa aking labi. Gano'n ang ending ng sayaw namin.

Bago kami bumaba sa dance floor, may naririnig pa kaming palakpakan galing sa kanila.

“Good job, girls! Ang gagaling niyong tatlo! First time naming makarinig ng gano'ng kalakas na palakpakan!” Puri sa amin ni Mamu at binigyan niya kami ng jacket. “Pahinga muna kayo sa dressing room, may pagkain na roon. May huli pa kayong dance prod mamaya gamit ang pole, after niyong kumain magpalit kayo ng damit!”

Tumango kami sa sinabi ni Mamu. Pagka-upo ko pa lang sa dressing room, binati na kami lahat ng mga dance na nandoon.

“Congratulations first dance niyong tatlo!” Nakita ko si Toni na naka-bihis na rin. “Kami na ang next after ni Rossy the Rose, isa niyo sa pinakamalaking kinikita rito sa bar, solo prod kasi siya.” saad niya sa akin. “Kumain ka na para may lakas ka sa huling sayaw niyo. Pole dance ang huling sayaw niyo.” huling sabi niya sa akin at tinawag na sila ni Mamu, apat silang sasayaw.

Hindi ko alam pero napangiti ako nang marinig ang mga ingay kanina. Kaya gagalingan ko pa lalo.

Pole dance na mamaya!