Dati akala ko may pag-asa kami ni Dan, na akala ko ay si Dan na ang hinahanap kong lalaki para sa akin. Noong una, nakuha niya talaga ang atensyon ko. Sobrang bait niya, maalaga at sweet kumpara sa dati kong boyfriend na si Noah. Gustong-gusto kong mapalapit kay Dan kahit pa nagdadalawang isip ako dati. Kaya nga sabi ko pa no'n noong iniingatan ko pa ang puso ko na kung kami talaga, magkikita at magkikita kami ni Dan. Pero ngayong nandito na siya, hawak ang kamay ko at naghihintay na lang ng sagot ay parang biglang nagbago ang ihip ng hangin. Mukhang masasaktan ko talaga siya nang sobra. Mukhang nabigo ko si Tadhana na nagmagandang loob na sa akin na bigyan ako ng isang Dan.
Hindi ko na kayang paasahin siya na alam ko sa loob ko, na si Sebastian lang talaga at hindi na 'yon mababago.
"I
